Náttfari

Myndirnar hér eru teknar í sitt hvorri ferðinni. Í júlí 2003 fór ég í flugferð með Eiði móðurbróður mínum og var ætlunin að skoða Náttfaravíkur og næsta nágrenni úr lofti. Með í för var myndavél og smellti ég í gríð og erg á allt það sem fyrir augu bar. Í framhaldinu setti ég svo nokkrar myndir á netið ásamt smávægilegum skýringatexta, og þótti mér ekki veita af því sáralítið var þá að finna um Náttfaravíkur á netinu. Sú síða er löngin horfin en þess í stað eru Náttfaravíkur eitt meginþema heimasíðu minnar í dag.

Hinar myndirnar eru frá Verslunarmannahelginni 2004 en þá fór 30 manna hópur á sjö jeppum áleiðis í Náttfaravíkur. Ekið var upp hjá Nípá og yfir Skarðið niður í Kotadal, yfir Purká og eftir jeppaslóða alla leið norður á Naustavíkurkamb. Af kambinum var gengið niður í Naustavík þar áð var í hálfa klukkustund og húsið skoðað í krók og kima. Var síðan gengið í norður, upp fyrir Skálavík, og þaðan niður á Vargsnes. Eftir að við höfðum skoðað okkur vel um á nesinu var haldið til baka, aftur stoppað í Naustavík og nestið klárað, og í þetta skiptið var koníak með því. Að því loknu var ekið heim.

Ferðin tók alls 9 klukkustundir. Jeppaslóðinn frá Nípá til Naustavíkur er seinfarinn og vorum við um 2 klukkustundir á leiðinni. Gangan úr Naustavík í Vargsnes tók um 1½ klukkustund en rösklegar var gengið til baka og hafðist það á rétt rúmum klukkutíma.

Horft til suðurs eftir Kotadal. Í miðri mynd glittir í Kotajökul.

Purká rennur til sjávar. Vinstra megin við ósinn sést ljósi líparítkletturinn.

Ekið yfir Purká á vaði.

Purkárvaðið frá öðru sjónarhorni.

Vegurinn eftir Kotadal er krókóttur og seinfarinn.

Horft úr lofti yfir húsið í Naustavík.

Naustavíkurhúsið séð frá kambinum.

Húsið í Naustavík.

Horft til suðurs í átt að Naustavík og Ógöngufjalli.

Skálavík úr lofti.

Skálavík af láði.

Vargsnes séð úr lofti.

Vargsnes.

Rauðavík.

Skálavíkurhnjúkur.

Hágöng syðri.

Hágöng.

Gönguhópurinn í Naustavík.